အားနည်းချက် နဲ့ အားသာချက် - Amawpyay

အားနည်းချက် နဲ့ အားသာချက်

Knowledge

အားနည်းချက် နဲ့ အားသာချက်

ငှက်ချင်းတူစေဦးတော့ တောင်ပံခတ်သံချင်း ထပ်တူမကျ နိုင်ပါဘူး။ လူချင်းတူစေဦးတော့ အားသာချက် ၊ အားနည်း ချက်ချင်း ထပ်တူမကျနိုင်ပါဘူး။ ဒါကြောင့် တန်ဖိုးရှိတဲ့ ငှက်ငယ်ဟာ တောင်ပံခတ်သံချင်း ပြိုင်ဆိုင်နေမဲ့အစား အဓိပ္ပါယ်ရှိတဲ့ ပျံသန်းခြင်းတွေဖြစ်ဖို့သာ အားစိုက်နေသလို

တန်ဖိုးရှိတဲ့ သင်ဟာလည်း အားသာချက်၊ အားနည်းချက် ချင်း ယှဉ်ပြိုင်နေမဲ့အစား အဓိပ္ပါယ်ရှိတဲ့ ဘဝတစ်ခု ဖန်တီး တည်ဆောက်နိုင်ဖို့သာ အားစိုက်ထုတ်နေသင့်ပါတယ်။ လူသားတိုင်းမှာ မတူညီတဲ့ အားသာချက်တွေ ၊ အားနည်း ချက်တွေ အသီးသီးပိုင်ဆိုင်ထားကြပါတယ်။ တစ်ဦးက လုပ်ငန်းစွမ်းဆောင်ရည်မှာ အားသာသလို

တစ်ဦးက စဉ်းစားတွေးခေါ်မှုအ ပိုင်းမှာ အားသာနေတတ်ပြန်ပါတယ်။ သူတို့နှစ်ဦး ပေါင်းစပ် အလုပ်လုပ်ဖြစ်တဲ့အခါ အတွေးမှန်း၊ အလုပ်မှန်ပြီး ရလဒ်ကောင်းတွေ ထွက်ပေါ်လာပါတယ်။

သဘာဝတရားက ဒီလိုမတူညီတဲ့ အရာတွေကို ပေးစွမ်းထား တာဟာ လူသားတွေကို ပေါင်းစပ်လုပ်ဆောင်စေဖို့နဲ့ အပြန် အလှန် ရိုင်းပင်းကူညီကြဖို့ ရည်ရွယ်တယ်လို့ သုံးသပ် မိပါ တယ်။

အလွန်အခြေခိုင်ခံ့ပါတယ်ဆိုတဲ့ အဆောက်အအုံတွေ၊ လမ်း တွေရဲ့ အောက်မှာ အရွယ်အစားမတူညီတဲ့ ကျောက်တုံး၊ ကျောက်ခဲတွေကို ပေါင်းစု အမာခံယူထားတာဖြစ်ပါတယ်။

သို့ဖြင့် မတူညီတာတွေ ပေါင်းစည်းခြင်းဖြင့်သာ ကြီးမြတ် တဲ့ ဖြစ်မြောက်အောင်မြင်မှုတွေကို တည်ဆောက် ယူနိုင် မယ်လို့ မှတ်ယူမိပါတယ်။

တကယ်တော့ ကိုယ့်ရဲ့အားသာချက်ဟာ တစ်ပါးသူရဲ့ အားနည်းချက်ကို ဖြည့်စွက်ကူညီပေးဖို့ ဖြစ်သင့်ပြီး တစ်ပါးသူရဲ့အားသာချက်ဟာလည်း ကိုယ့်ရဲ့အားနည်းချက်ကို ပြန်လည်ဖြည့်စွက် ပေးဖို့ ဖြစ်သင့်ပါတယ်။

ဒါပေမဲ့ စိတ်မ ကောင်းစွာဘဲ တစ်ဦးက သူ့ရဲ့ အားသာချက်နဲ့ တစ်ပါးသူရဲ့ အားနည်းချက်အပေါ် လှောင်ပြောင်အနိုင်ယူတတ်ကြသလို ကိုယ်အခွင့်သာရင် ဘယ်လို ပညာပြလိုက်မယ်၊ ဘယ်လို သင်ခန်းစာပေး လိုက်မယ်လို့ စဉ်းစားဖြစ်သူက ပိုများပါ တယ်။

ဒီလိုနဲ့ တစ်ပါးသူကလည်း ငါ့တုန်းကတော့ သူက ဘယ်လို ပညာပြထားတာပဲဆိုပြီး သူ့အလှည့်အဖြစ် ပြန်အစွမ်းပြ ပြန်ပါတယ်။

ဒီလိုနဲ့ လူတချို့ဟာ သူတစ်ပြန် ကိုယ်တစ်ပြန် ပညာပြရင်း ကရွတ်ကင်းလျှောက် ပြုမူနေတတ်ကြသလို တန်ဖိုးရှိတဲ့ အချိန်တွေလည်း ကုန်လွန်နေပြီး ဘဝရဲ့ အဓိပ္ပါယ် ၊ ဘဝရဲ့ တန်ဖိုးကိုလည်း မေ့လျော့လာခဲ့ကြပါ တယ်။

လူဟာ နယ်ပယ်တိုင်းမှာ ထူးချွန်ထက်မြက်နေသူ မဖြစ်နိုင် ပါဘူး။ ဆိုင်ရာ ဆိုင်ရာ နယ်ပယ်အနည်းငယ်စီမှာသာ ကျွမ်း ကျင်ပိုင်နိုင်ကြတာ ဖြစ်ပါတယ်။

စဉ်းစားတွေးခေါ်မှု ပိုင်းမှာ ပိုင်နိုင်နှံ့စပ်အောင် သိမြင်နိုင်စွမ်းပါတယ်ဆိုတဲ့ ပညာရှိတွေ မှာတောင် သူတို့ရဲ့ လုပ်နိုင်စွမ်းမှာတော့ အကန့် အသတ်နဲ့ သာရှိနိုင်တာဖြစ်ပါတယ်။

ခေါင်းဆောင်တစ်ဦးမှာ ခေါင်း ဆောင်မှုအရည် အသွေးတွေ ရှိနေသည်ဆိုဦးတော့ နောက်လိုက် နောက်ပါများမှာ လက်တွေ့အကောင် အထည်ဖော်ဆောင်နိုင်စွမ်းတွေရှိမှသာ ဖြစ်မြောက်အောင်မြင်နိုင်မှာ ဖြစ်ပါတယ်။

ဆိုးလှသည်မှာ တချို့က အရာရာမှာ သူတို့သာ သိရှိနား လည်ထားတယ်။ စွမ်းဆောင်နိုင်တယ်လို့ အထင်ရှိနေပြီး တစ်ပါးသူရဲ့ အားသာချက်တွေကိုလည်း အသိအမှတ်ပြု လက်ခံခြင်းမပြုပြန်ပါဘူး။

ဆရာဝန်ဟာ ဆေးကုသမှုအ ပိုင်း၊ ကျန်းမာရေးအပိုင်းမှာ အားသာပေမဲ့ဘောလုံးပွဲသွား ကြည့်တဲ့အခါ ပရိသတ်ဖြစ်သွားပါတယ်။ ဒီလိုပါပဲ၊ ကွင်း လယ်ဒိုင်ဟာ ဘောလုံးပွဲမှာ အားသာသူ၊ အရေးပါသူ ဖြစ် ပေမဲ့ ဆေးရုံသွားရတဲ့အခါ လူနာစောင့် (သို့မဟုတ် ) လူနာ ဖြစ်သွားပြန်ပါတယ်။

အခြင်းအရာကို ကြည့်ခြင်းဖြင့် အား သာချက် အားနည်းချက်တွေဟာ အချိန်၊ နေရာအခြေ အ နေတွေအပေါ် မှီတည်နေတာကို သတိပြုမိပါလိမ့်မယ်။

ဒါ့အပြင် ကိုယ့်ရဲ့ အနည်းငယ်သော အားသာချက်တွေကြောင့် မာနထောင်လွှား ဂုဏ်မောက်နေဖို့ မလိုသလို တစ်ပါးသူတွေရဲ့ အနည်းငယ်သော အားသာချက်တွေကို လည်း သိမြင်လက်ခံပေးနိုင်ဖို့ လွန်စွာ အရေးကြီးလှပါ တယ်။

ခေါင်းဆောင်ကောင်းတစ်ယောက်ရဲ့ အဓိကလက် နက်ဟာ အားနည်းချက်တွေကို ရှာဖွေအပြစ်တင်ဖို့မဟုတ်ဘဲ အားသာချက် တွေကို တတ်နိုင်သမျှ ဆွဲ ထုတ်ပြီး ချီးမွမ်း စကားဆိုကာ စိတ်ဓာတ်မြှင့်တင်ပေးရတာပဲ ဖြစ်ပါတယ်။

မဖြစ်မနေ ပြုပြင်သင့်တဲ့ အရာကို ထောက်ပြလိုတဲ့တိုင် အောင် အားသားချက်တစ်ခု ၊ကောင်းကွက်တစ်ခုနဲ့ စတင် စကားဆိုကြရတာ ဖြစ်ပါတယ်။

Credit: Kaung Sam Thar

No Comments

Leave a Reply

Your email address will not be published.

ရိုးဂုဏ်ဆိုတာ တန်ဖိုးဖြတ်လို့ မရဘူး
Knowledge
” ရိုးဂုဏ်ဆိုတာ တန်ဖိုးဖြတ်လို့ မရဘူး “

” ရိုးဂုဏ်ဆိုတာ တန်ဖိုးဖြတ်လို့ မရဘူး “ ငါ့လောက်ခြေထောက် များတဲ့သူကမ္ဘာမှာရှိရဲ့လားလို့ ကျောက်တုံးပေါ်က ကင်းခြေများက ကြွေးကြော်တော့ သူနေတဲ့နေရာနဲ့အနီးနားက ကျောက်ကုန်းပေါ်က ပို့နတ်သံကောင်က မင်းကငါ့ကို ပြိုင်ဝံ့လို့လားပြောလိုက်တော့ ခင်ဗျားကိုတော့ကျွန်နော် မပြိုင်ဝံ့ပါလို့ကင်းခြေများက ပြောရှာပါသတဲ့…. တစ်နေ့တွင် အမိတာဘချမ်းသည် လေယာဉ်ဖြင့်ခရီးထွက်ရန် ကိစ္စတစ်ခုပေါ်လာသည်။ လေယာဉ်ပေါ်ရှိ သူနှင့်ဘေးချင်းကပ်လျက်ကျသော လူတစ်ယောက်မှာ သူ့ထက်အသက်ကြီးပြီး ရိုးရိုးရှပ်အင်္ကျီနှင့် ဘောင်းဘီကိုသာ ဝတ်ထားသော သာမန် လူလတ်တန်းစားပုံစံပေါက်နေသည့် လူကြီးတစ်ယောက်ဖြစ်သည်။ ထိုလူကြီးမှာ ပညာတော့ တတ်ပုံရသည်။ သတင်းစာတစ်စောင်ကို ဖတ်နေတာတွေ့ရသည်။ ထိုစဉ် လေယာဉ်မယ်လေးက လက်ဖက်ရည်ဖြင့် လိုက်ဧည့်ခံလေသည်။ ထိုလူကြီးက လက်ဖက်ရည်ခွက်ကိုယူလိုက်ပြီး သူနှင့်ဘေးချင်းကပ် အမိတာဘချမ်းကို အသာအယာပြုံးပြလာလေသည်။bအမိတာဘချမ်းကလည်း ထိုလူ့ကို အခွင့်သာခိုက် ပြုံးပြလိုက်ပြီး “ဟဲလို” …

" ပိုက်ဆံ ရှာပါ စုပါ သုံးပါ မဖြုန်းပါနှင့် "
Knowledge
” ပိုက်ဆံ ရှာပါ စုပါ သုံးပါ မဖြုန်းပါနှင့် “

” ပိုက်ဆံ ရှာပါ စုပါ သုံးပါ မဖြုန်းပါနှင့် “ ပိုက်ဆံရှိမှ ဖြစ်တော့မယ်လို့ တွေးမိတဲ့အချိန်ဟာ ခရီးတစ်ခုကို စတင်ဖို့ လက်မှတ်စဝယ်တာနဲ့ တူပါတယ်။ လောကမှာ ပိုက်ဆံရှိမှ ပိုအဆင်ပြေနိုင်ပါတယ်။ မိသားစုထဲမှာ ကြည့်ပါ။ ပိုက်ဆံရှာနိုင်တဲ့သူက ပိုအရေးပါ အရာရောက်ပါတယ်။ အပေါင်းအသင်းတွေ ကြားထဲ ကြည့်ပါ။ ပိုက်ဆံရှိတဲ့သူက ပိုလူရာဝင်ပါတယ်။ လူမှုအဖွဲ့အစည်း တစ်ခုခုကို ကြည့်ပါ။ ပိုက်ဆံပိုရှိတဲ့သူက ပိုအရာရောက်ပါတယ်။ ဒါဟာ လောကကြီးထဲမှာ ရာခိုင်နှုန်း တော်တော်များများ ဖြစ်နေတာပါ။ ဘယ်နည်းနဲ့ကြည့်ကြည့် သင် ပိုက်ဆံရှာရပါမယ်။ ငွေစုရပါမယ်။ သင်ပိုက်ဆံရှိမှ သင်ချစ်တဲ့သူတွေအတွက် သင်လုပ်ချင်တဲ့အရာတွေအတွက် သင်ပြောချင်တဲ့စကားတွေအတွက် သင်လိုချင်တဲ့အရာတွေအတွက် အားလုံးမဟုတ်ရင်တောင် တော်တော်များများလုပ်လို့ရမှာပါ။ “ခင်မင်မှုက ပိုအရေးကြီးတယ်” …

ခံတွင်း အနံ့ဆိုးကို ဘယ်လို ဖျောက်ကြမလဲ
Knowledge
ခံတွင်း အနံ့ဆိုးကို ဘယ်လို ဖျောက်ကြမလဲ

ခံတွင်း အနံ့ဆိုးကို ဘယ်လို ဖျောက်ကြမလဲ ခံတွင်း ပုတ် အနံ့ သည် လူတယောက် အတွက် မိမိကိုယ် ကို ယုံကြည်မူ့ မဲ့စေပါသည်။ ခံံတွင်းအနံ့ မကောင်း သူများသည် လူအများ ကြားတွင် စကားပြော ဆိုရာ တွင် မိမိ ၏ ပါးစပ်မှ အနံ့ ကြောင့် သူတပါးအား အနှောင့်အယှက် ဖြစ်စေသလို မိမိကိုယ်တိုင်လည်း သိမ်ငယ်ရပါသည် ။ ကျွန်တော် တာဝန်ထမ်းဆောင်ရာ အရပ်တပါး၌် တောရ ကျောင်းတခုတွင် သီတင်းသုံး နေထိုင်သော ရဟန်းတပါးအား အခါ အခွင့်သင့်၍ သွားရောက် ဖူးခဲ့ပါသည်။ ထိုရဟန်းသည် စကားပြောသောအခါတွင် ပါးစပ်အား လက်ဝါးနှင့် ကာ၍ …