စိတ်လှုပ်ရှားပြီး စိတ်ထိခိုက်လွယ်နေသူကို မပြောသင့်သော စကားများ - Amawpyay

စိတ်လှုပ်ရှားပြီး စိတ်ထိခိုက်လွယ်နေသူကို မပြောသင့်သော စကားများ

စိတ်လှုပ်ရှားပြီး စိတ်ထိခိုက်လွယ်နေသူကို မပြောသင့်သော စကားများ
Knowledge

စိတ်လှုပ်ရှားပြီး စိတ်ထိခိုက်လွယ်နေသူကို မပြောသင့်သော စကားများ

သင်နဲ့ ရင်းနှီးတဲ့ မိတ်ဆွေသူငယ်ချင်း တစ်ယောက်ယောက်မှာ လတ်တလော ကိစ္စတစ်ခုခုနဲ့ပတ်သတ်ပြီး စိတ်လှုပ်ရှားနေတယ် ဆိုပါစို့။ သင်ကလည်း သူငယ်ချင်းတစ်ယောက်အနေနဲ့ တတ်နိုင်သလောက် ကူညီပေးချင်တယ်၊

နောက်ဆုံး သူတစ်ခုခု စိတ်သက်သာရာ ရအောင်ပဲဖြစ်ဖြစ် ပြောဆိုကူညီပေးချင်နေတယ်။ ဒီအချိန်မျိုးမှာ ကိုယ့်က ကူညီချင်တဲ့စိတ်နဲ့ မပြောသင့်တဲ့စကားတွေ ပြောမှားဆိုမှားဖြစ်သွားတတ်ပါတယ်။ ဘယ်လိုစကားတွေ မှားပြောမိ တတ်သလဲ ဆိုတာ ကြည့်လိုက်ကြရအောင်။

စိတ်လှုပ်ရှားပြီး စိတ်ထိခိုက်လွယ်နေသူကို မပြောသင့်သော စကားများ

၁။ မေ့လိုက်ပါကွာ

တကယ်ကို ကိစ္စတစ်ခုခုနဲ့ ပတ်သတ်ပြီး စ်ိတ်ပူပန်နေတဲ့လူက ပြဿနာကို ဒီလိုပြောလိုက်ရုံနဲ့ မေ့ထားလို့ရမှာ မဟုတ်ပါဘူး။ ဒီလောက်လုပ်ရတာ မရိုးရှင်းပါဘူး။ စိတ်ပူပန်နေတဲ့ သူတစ်ယောက်ကို ဒီလိုပြောလိုက်လို့ ဘာမှထူးခြားသွားမှာ မဟုတ်ပါဘူး။

စိတ်လှုပ်ရှားတယ်ဆိုတာလည်း စိတ်ရောဂါ အခြေအနေတစ်မျိုးဖြစ်တာကြောင့် ခံစားရသူမှာ ပုဂ္ဂိုလ်ရေးခံစားချက်တွေ၊ ရင်တွင်းခံစားချက်တွေ ပါဝင်ပတ်သတ်နေပါတယ်။

ဒါ့ကြောင့် သူတို့ကို ပြန်တုန့်ပြန်တဲ့အခါမှာလည်း ကိုယ့်ရင်ထဲက နွေးထွေးမှုပါဖို့ လိုအပ်ပါတယ်။ ဒါ့ကြောင့် မေ့လိုက်ဖို့ပြောတာက နွေးထွေးမှုပေးတာနဲ့မတူပဲ သူတို့ခံစားချက်ကို သိပ်အလေးမထားသလို ဖြစ်နေတာကြောင့် မပြောသင့်ပါဘူး။

အဲ့လိုပြောမဲ့အစား သူတို့ကြုံတွေ့နေရတဲ့ ပြဿနာကို မေးမြန်းပြီး နားလည်ပေးပါ။ ဘာ့ကြောင့် စိတ်လှုပ်ရှားနေရသလဲ၊ ဘာတွေခံစားနေရသလဲ၊ သူတို့ စိတ်သက်သာအောင် ဘယ်လို လုပ်ပေးသင့်သလဲ ဆိုတာကို စဉ်းစားပါ။

၂။ ဒါတွေပဲ စဉ်းစားနေရင် မင်းကျန်းမာရေးထိခိုက်လိမ့်မယ်

စိတ်လှုပ်ရှားမှု မကြာခဏခံစားရတဲ့သူတွေဟာ သူတို့ကျန်းမာရေး ထိခိုက်မှာကို တခြားလူတွေထပ်ပိုပြီး စိတ်ပူတတ်ကြပါတယ်။ ဒီလိုအစကတည်းက ကျန်းမာရေးနဲ့ ပတ်သတ်ပြီး မသိုးမသန့် ဖြစ်နေတဲ့သူကို အပေါ်ကလိုစကားမျိုး ပြောတာက အခြေအနေကို ပိုဆိုးသွားစေတာပဲ ရှိမှာပါ။

ဒီလိုစကားမျိုး ပြောမဲ့အစား သူတို့ စိတ်သက်သာရာရမယ့် တခြားအကြောင်းအရာတစ်ခုခုကို ပြောကြည့်ပါ။ အာရုံ လွှဲပြောင်းပေးတာက ပြဿနာကို ဖြေရှင်းပေးရာ မရောက်ပေမဲ့ စိတ်ပူနေတဲ့သူကိုတော့ စိတ်သက်သာရာရစေမှာပါ။

၃။ အေးဆေးပါကွာ၊ စိတ်လျှော့ထားစမ်းပါ

ရုတ်တရက် နားထောင်ကြည့်ရင်တော့ ဒီအကြံဥာဏ် ဟုတ်သလိုလိုပါပဲ။ ဒါပေမဲ့ အရမ်းစိတ်လှုပ်ရှားနေတဲ့သူတွေမှာ ဘယ်လိုလုပ်လုပ် စိတ်ကိုအေးဆေးထားလို့ မရတာက အသိသာဆုံး လက္ခဏာတစ်ခုပါ။

တကယ် စိုးရိမ်ပူပန်စရာ တစ်ခုခုရှိလို့ စိတ်တွေထွေပြားနေတဲ့ သူတစ်ယောက်ကို ဘေးလူအနေနဲ့ ဘယ်လောက် စိတ်လျှော့ဖို့ပြောပြော မထိရောက်ပါဘူး။ ပြောရရင် ဒါက အအေးမိနေတဲ့ လူတစ်ယောက်ကို ချောင်းမဆိုးဖို့၊ နှာမစေးဖို့ပြောနေတာနဲ့ တူပါတယ်။

ဒီလိုပြောမဲ့ အစား စိတ်လှုပ်ရှားနေသူပြောတဲ့ စကားတွေကို အေးအေးဆေးဆေး နားထောင်ပေးပါ။ နားထောင်နေတဲ့အချိန်မှာ ဘာမှ ၀င်ဆုံးဖြတ်တာ၊ မှတ်ချက်ပေးတာတွေ မလုပ်ပါနဲ့။

ပြီးရင် သူတို့ကို အရင်က စိတ်လက်ပေါ့ပါးစရာကိစ္စတစ်ခုခု၊ အဖြစ်အပျက်တစ်ခုခုကို ပြန်ပြောပြပါ။ ဒီလိုပြောလိုက်ခြင်း အားဖြင့် အရင်က ပျော်စရာ၊ စိတ်ချမ်းသာစရာ အချိန်တွေကို ပြန်သတိရသွားပြီး အမြဲဒီလို စိတ်ညစ်မနေနိုင်ကြောင်း သိသွားစေမှာပါ။

၎။ မင်းက အရမ်းစဉ်းစားလွန်း၊ တွေးလွန်းတာကိုး

စိတ်လှုပ်ရှားတယ်၊ စိတ်ပူပန်တယ်ဆိုတာ မဖြစ်သေးတဲ့ ဖြစ်လာနိုင်ခြေလည်း သိပ်မရှိတဲ့ အရာတွေကို ကြိုတွေးပြီး စိတ်ပူနေတာပါပဲ။ ပြောရရင် အတွေးတွေများနေတာပေါ့။ ဒီလိုလူတွေရဲ့ စိတ်ထဲမှာ အကြောင်းအရာတစ်ခုမဟုတ် တစ်ခုနဲ့ပတ်သတ်ပြီး စိတ်ပူစရာက ရှိနေတတ်ပါတယ်။

စိတ်ပူတဲ့ကိစ္စကို ဘယ်လိုဖြေရှင်းရမလဲထပ်တွေးတယ်၊ ကြာလာတော့ ကိုယ့်အတွေးနဲ့ ကိုယ်ချာလပတ်လည်လာပါတယ်။ ဒါ့ကြောင့် သူတို့ကို မစဉ်းစားဖို့ ၊ မတွေးဖို့ မပြောသင့်ပါဘူး။ တော်ကြာ ကိုယ်ပြောလိုက်တဲ့စကားနဲ့ ပတ်သတ်ပြီး တွေးစရာ ထပ်ပေါ်သွားနိုင်ပါတယ်။

အကြံပြုချင်တာကတော့ ဒီလိုပြောမဲ့အစား သူတို့ကို အာရုံပြောင်းကြည့်ပါ။ ဥပမာ စိတ်ထဲမှာ ၁ ကနေ ၁၀၀ ထိ ရေတွက်ကြည့်ခိုင်းတာမျိုးပေါ့။ ဘာရယ်မဟုတ်ပေမဲ့ ရုတ်တရက် အာရုံပြောင်းဖို့ သုံးတဲ့အထဲမှာ ဒီလိုနည်းလမ်းလေးတွေက အတော်ထိရောက်တာကို တွေ့ရပါတယ်။

၅။ စိတ်ပြေလက်ပျောက် အရက်လေး ဘာလေး သွားသောက်ရအောင်

ဒါက ပြဿနာဖြေရှင်းတဲ့ နည်းတစ်ခု မဟုတ်ပါဘူး။ ပိုဆိုးအောင် လုပ်မယ့် နည်းပါ။ အရက်သောက်လိုက်ရင် ခဏတော့ ပတ်ဝန်းကျင်နဲ့ ကိုယ့်စိတ်ခံစားချက်တွေ မေ့သွားတာမှန်တယ်။

ဒါပေမဲ့ ဒါတွေက ကြာရှည်မခံပါဘူး၊ အမူးပြေသွားရင် စောစောက ပြဿနာက ခေါင်းထဲ ပြန်ရောက်လာမှာပါ။ ဒီအခါ ထပ်မေ့ထားချင်တော့ အရက်ထပ်သောက်နဲ့ ကြာလာရင် အရက်သမား ဖြစ်သွားနိုင်ပါတယ်။

သူငယ်ချင်းကို အဲ့လိုအရက်တွေ သောက်ဖို့ခေါ်မဲ့အစား အားကစားအတူ လုပ်ကြည့်ဖို့ ဆွဲဆောင်ပါ။ အတူပြေးတာ၊ စက်ဘီးနင်းတာ၊ ရေကူးတာ စတဲ့အဆင်ပြေမယ့် ဘယ်အားကစားနည်းမဆို လုပ်ကြည့်လို့ ရပါတယ်။

အားကစားလုပ်လိုက်ရင် ခန္ဓာကိုယ်ထဲက အန်ဒေါ်ဖင်း လို့ခေါ်တဲ့ဟော်မုန်း ထွက်ရှိလာပြီး ဒီဟော်မုန်းက စိတ်ဖိစီးမှုကို ဖြေလျော့စေပါတယ်။

၆။ အလကား စိတ်ဖိစီးမနေနဲ့

စိတ်ဖိစီးတာနဲ့ စိတ်လှုပ်ရှားတာနဲ့က မတူပါဘူး။ သို့ပေမဲ့ ဒီ ၂ ခုက အပြန်အလှန် သက်ရောက်နေပါတယ်။ ကျွန်တော်တို့တွေက ထိတ်လန့်စရာ၊ ကြောက်စရာ ကိစ္စတစ်ခုခုနဲ့ ရင်ဆိုင်ရတဲ့အခါ စ်ိတ်ဖိစီးမှု ဖြစ်ပေါ်လာပါတယ်။

ဒီလိုဖြစ်လာရင် နှလုံးခုန်မြန်လာမယ်၊ သွေးပေါင်ချိန် တက်လာမယ်၊ မျက်နှာနီမြန်းမယ်၊ စိတ်အပြောင်းအလဲမြန်မယ်၊ နောက်ပြီး စိတ်လှုပ်ရှားမှု ဖြစ်ပေါ်လာပါမယ်။ သို့ပေမဲ့ ဒီလက္ခဏာတွေထဲမှာ စိတ်လှုပ်ရှားမှုက စိတ်ဖိစီးစရာ ကိစ္စ လွန်မြောက်သွားရင်တောင် ဆက်ပြီး ရှိနေ၊ ခံစားနေရနိုင်ပါတယ်။

ဒီလို စိတ်လှုပ်ရှားလွယ်၊ စိတ်ဖိစီးမှုဖြစ်လွယ်သူကို အကောင်းဆုံးကူညီတဲ့ နည်းကတော့ သူတို့ အခက်အခဲကို သေချာ ထဲထဲဝင်ဝင် နားထောင်ပေးဖို့ပါ။ သူတို့ ဘာကြောင့် ဘယ်လိုခံစားနေရတယ်ဆိုတာကို သိပါစေ၊

ကိုယ့်အနေနဲ့ ကူညီနိုင်တာရှိရင် ကူညီဖို့ရှိကြောင်းသူတို့ နားလည်အောင် ပြောပြပေးပါ။ ဒီလိုနားလည်ပေးတာကိုက သူတို့ကို အကူအညီ ပေးရာရောက်ပါတယ်။

၇။ မင်းစိတ်လှုပ်ရှားသလို ငါလည်း စိတ်လှုပ်ရှားနေတာပဲ

ဒီစကားက ပြဿနာကို မပြေလည်စေရုံသာမက ပိုတောင် ဆိုးလာစေပါတယ်။ ကိုယ့်စိတ်ထဲတော့ ထင်ကောင်းထင်မှာပေါ့။ ကိုယ်လည်း သူနဲ့ဘ၀တူ အခြေအနေဖြစ်နေတော့ သူ့မှာ အဖော်ရှိသေးတယ်လို့ တွေးပြီး စိတ်သက်သာရာရသွားနိုင်တယ် ဆိုပြီး။

တကယ်က ကိုယ့်စကားတွေက သူခံစားနေရတဲ့ ခံစားချက်ကို သိပ်အရေးမကြီးသလို သက်ရောက်သွားစေပါတယ်။ မင်းလည်းဖြစ်တယ်၊ ငါလည်း ဖြစ်တယ်၊ သိပ်ထူးပြီး ခံစားမနေနဲ့ ဆိုတဲ့သဘောသက်ရောက်သွားစေပါတယ်။

ဒီစကားပြောမဲ့အစား သူ့ပြဿနာကို နားထောင်ပါ။ သူက တိုက်ရိုက်မပြောရင် တခြား အကြောင်းအရာတွေ လှည့်ပတ်ပြောပြီး မေးခွန်းလေးတွေ မေးကြည့်ပါ။

အတော်များများကတော့ သူတို့ခံစားနေရတာတွေကို ရင်ဖွင့်လိုစိတ် ရှိကြပါတယ်။ ပြောထုတ်လာခဲ့ရင်လည်း နားပဲထောင်ပေးပါ၊ မှတ်ချက်ပေးတာမျိုး မလုပ်ပါနဲ့၊ မေးလာခဲ့ရင်တောင် အပြုသဘောဆောင်တဲ့၊ အကောင်းဖက်ကပဲ ပြောပေးပါ။

၈။ ဘာမဟုတ်တဲ့ကိစ္စကို အဲ့လောက် စိုးရိမ်မနေစမ်းပါနဲ့ကွာ

ပြဿနာစပါပြီ။ တကယ်လို့ ကိစ္စတစ်ခုခုနဲ့ ပတ်သတ်ပြီး စိတ်လှုပ်ရှားနေတဲ့လူကို ဒါမျိုး သွားပြောရင် မိတ်ဆွေအရင်းအချာကြီးတွေတောင် ပြဿနာတက်သွားနိုင်ပါတယ်။ ဘာ့ကြောင့်လဲဆိုတော့

စိတ်လှုပ်ရှားနေတယ်ဆိုတဲ့ လူတစ်ယောက်အတွက် အရေးမကြီးတဲ့ကိစ္စဆိုတာ မရှိပါဘူး။ ကိစ္စတိုင်း၊ အဖြစ်အပျက်တိုင်းက သူ့အတွက် စိတ်လှုပ်ရှားစရာ၊ စိုးရိမ်စရာ ဖြစ်နေတတ်ပါတယ်။

ဒီလိုပြောမဲ့အစား ဘာမှမပြောပဲ သူပြောတာ နားထောင်ပေးတာ ကမှသူ့အတွက် ပိုကောင်းပါသေးတယ်။ နားထောင်ပြီး သူလက်ရှိခံစားနေရတာ နားလည်ကြောင်း၊ တဖြည်းဖြည်း အဆင်ပြေသွားမှာ ဖြစ်ကြောင်း ဒါမျိုးလေးတွေ ပြောပြပေးပါ။

၉။ တချို့သူတွေဆို မင်းထပ်တောင် ပိုဆိုးသေးတယ်

ဒီစကားက သူခံစားနေရတဲ့ ပြဿနာကို အရေးမပါဘူးဆိုတဲ့ အဓိပ္ပါယ် သက်ရောက်ပါတယ်။ ကိုယ်က စိတ်သက်သာလို သက်သာငြား ပြောတာဖြစ်ပေမဲ့ ဒီစကားက အပြောခံရသူစိတ်ထဲမှာ ကိုုယ့်ကိုယ်ကို အသုံးမကျဘူးလို့ ထင်တဲ့စိတ်နဲ့ ရှက်တဲ့စိတ်ပဲ ဖြစ်ပေါ်စေပါတယ်။

၁၀။ မင်းက စိတ်ညစ်စရာမရှိ ကြံဖန်စိတ်ညစ်နေတာပဲ

စိတ်လှုပ်ရှားနေ၊ စိုးရိမ်နေတဲ့ သူကိုဒါမျိုး စကားပြောတာက သူ့ကို အပြစ်တင်တဲ့ သဘော သက်ရောက်ရုံသာမက သူတို့ရဲ့ ခံစားချက်တွေက အရေးမပါဘူးဆိုတဲ့ သဘောပါ သက်ရောက်နေပါတယ်။

ဒါ့ကြောင့် ကိုယ့်သူငယ်ချင်းအတွက် အကူအညီဖြစ်အောင် ပြောချင်တယ် ဆိုလည်း ဒီစကားမျိုးတော့ မပြောပါနဲ့။

ဒါတွေကတော့ အရမ်းစိတ်လှုပ်ရှားနေတဲ့သူ၊ စိုးရိမ်နေတဲ့သူကို မပြောဖို့ ဆင်ခြင်သင့်တဲ့ စကားလေးတွေပါ။ လူတိုင်း တစ်ချိန်ချိန်မှာ အလားတူအခြေအနေမျိုးတော့ ရင်ဆိုင်ရမှာပါပဲ။

ကိုယ်ကိုယ်တိုင်ပဲဖြစ်ဖြစ် ကိုယ့်မိတ်ဆွေ အပေါင်းအသင်းထဲကဖြစ်ဖြစ် ဒါမျိုး ကြုံတွေ့လာခဲ့ရင် အခုလို ဆောင်ရန်၊ ရှောင်ရန်လေးတွေ သိထားတော့ပိုပြီး အဆင်ပြေစေမှာပါ။

Dr. Barry

No Comments

Leave a Reply

Your email address will not be published. Required fields are marked *

သူဌေး ဖြစ်ချင်သူနှင့် သာမန်နေထိုင်သူတို့အကြောင်း
Knowledge
သူဌေး ဖြစ်ချင်သူနှင့် သာမန်နေထိုင်သူတို့အကြောင်း

သူဌေး ဖြစ်ချင်သူနှင့် သာမန်နေထိုင်သူတို့အကြောင်း မရှိခြင်းကို အကြောင်းပြ ငြီးထွားနေတတ်သူ သည် မချမ်းသာ နိုင်ပေ။ ရှိတာလေးကို မကွယ်မဝှတ် သူနေရာနှင့် သူ အသုံးချတတ် သူသည် တိုးတတ် ကြီးပွား ပေ သည်။ ( ၁ ) ချမ်းသာချင်သူ ကတော့ စိတ်ကို လွတ်လပ်စွာ နေထိုင်ခိုင်းသည် ရင်းနှီးသင့် တာကို ရင်းနှီးသင့်စေ၏ သာမန်သူ တစ်ယောက် ကတော့နောင်ရေးကို တွေး၍ ပိုက်ဆံစုတတ်သည်။ ( ၂ )ချမ်းသာချင်သူ ကတော့ ကျေးဇူးတရား ကို လက်ကိုင် ထားသည် မမေ့မလျော့ မတွန့်မတို နှမြောခြင်းကင်းစေ၏ သာမန်သူ တစ်ယောက်ကတော့ ကျေးဇူးတရား ကို …

ဗိုက်ခေါက်ထွက်လို့ စိတ်ပျက်နေလား၊ အဆီတက် လို့စိတ် ဓာတ်ကျနေလား ဒီနည်းလေးစမ်းကြည့်ပါ
Knowledge
ဗိုက်ခေါက်ထွက်လို့ စိတ်ပျက်နေလား၊ အဆီတက် လို့စိတ် ဓာတ်ကျနေလား ဒီနည်းလေးစမ်းကြည့်ပါ

ဗိုက်ခေါက်ထွက်လို့ စိတ်ပျက်နေလား၊ အဆီတက် လို့စိတ် ဓာတ်ကျနေလား ဒီနည်းလေးစမ်းကြည့်ပါ ဝတဲ့သူ ဗိုက်ပူတဲ့ သူတွေ အတွက် ဗိုက်ကျစေမည့် ရှားစောင်း လက်ပတ်ယို လုပ်နည်း… ဝတဲ့သူတွေ ဒါမှမဟုတ် ဗိုက်ပူတဲ့ သူတွေ အတွက် အရမ်း အဆင်ပြေတယ်။ အိမ်ရှင်မ တော်တော် များများရဲ့ ဒုက္ခက ဗိုက်ပူ တာပါပဲ။ ကဲနည်းလမ်းလေးကို ကြည့်ရအောင် ရှားစောင်း လက်ပတ် ငါးတက်လောက် ကိုဘေးက စူးသွားတွေကို ဓားနဲ့ခွာပီး လက်တစ်ဆစ်လောက်လေး တွေကို လှီးပါ (အခွံမနွှာတော့ ထုပ် ထုပ်ထုပ် နဲ့ စားလို့ကောင်းသလို ပိုဆေးဖက် ဝင်တာပေါ့) ထန်းလျက်(အညို) ငါးကျပ်သားလောက်ကို ဆီ ၅ ကျပ်သားလောက် …

မိန်းမလှတွေက ရတနာ တစ်ပါးဆိုမိန်းမကောင်းကတော့ ရတနာသိုက်ပါပဲ…
Knowledge
မိန်းမလှတွေက ရတနာ တစ်ပါးဆို မိန်းမကောင်းကတော့ ရတနာသိုက် ပဲ

မိန်းမလှတွေက ရတနာ တစ်ပါးဆို မိန်းမကောင်းကတော့ ရတနာသိုက် ပဲ သိက္ခာရှိတဲ့ မိန်းမဆိုတာ ဘယ်ယောကျာ်း ကိုမှ တစ်ဖက်သက် လိုက် မကြိုက်ဘူး ။ မြင့်မြတ်တဲ့ မိန်းမဆိုတာ ဘယ်ယောကျာ်း ကိုမှ တစ်ခြားမိန်းမနဲ့ ယှဉ်မလှုဘူး ။ ထက်မြတ်တဲ့ မိန်းမဆိုတာ ဘယ်ယောကျာ်းကိုမှ အီစီကလီ လုပ်မချစ် တတ်ဘူး ။ ရိုးသားဖြူစင်တဲ့ မိန်းမကောင်း ဆိုတာ ဘယ်ယောကျာ်းကို မှမလှည့်စား ဘူး ။ ချစ်သူ ရည်းစားများတိုင်း အပေါစား မိန်းမ မဟုတ်ပါဘူး ။ ဒါပေမယ့် မိန်းမကောင်းပီသ သူတိုင်း ကတော့ ပန်းကောင်းတစ်ကာ ပွင့်ပဲ ပန်တယ်။ မိန်းမကောင်းရဲ့တန်ဖိုးဆိုတာ သူ့လက်ထဲ …