မိုးရွာတာကို ကြိုက်နှစ်သက်တဲ့ သူတွေရဲ့ ကိုယ်ရည်ကိုယ်သွေးများ

မိုးစက်လေးတွေ ကောင်းကင်ပေါ်က ကြွေကျ လာတာကို တခုပ်တယနဲ့ ဖမ်းဆုပ်ဖူးတဲ့ မိုးချစ်သူတွေ ရှိလား။ မိုးစက်လေးတွေ မြေပြင်ပေါ်ကျနေတဲ့ အသံကို စာအုပ်တစ်အုပ်၊ ကော်ဖီတစ်ခွက်နဲ့ နားထောင်ရတဲ့ အရသာကို ကြိုက်နှစ်သက်တဲ့ သူများ ရှိလား။

မိုးခြိမ်းသံတွေကြားမှ ပိုအိပ်ပျော်တယ် ဆိုတဲ့ သူတွေရော ရှိလား။ လျှပ်စီးကြောင်းတွေကို နတ်ဘုရားရဲ့လှပတဲ့ ဖန်ဆင်းမှု တစ်ခု လို့တွေးပြီး ငေးကြည့်ဖူးလား

သူများတွေ မိုးရွာလို့ ရေစိုလို့ စိတ်ညစ်ညူးနေတဲ့ အချိန် သင်က မိုးရေထဲ ကခုန်ချင်တဲ့သူတစ်ယောက် လား။ ဒါဆိုရင်တော့ သေချာ ပါတယ်။ သင်က မိုးချစ်သူ ပါပဲ။ မိုးရွာတာကို ကြိုက် နှစ်သက်တဲ့ သူအများစုဟာ ဘဝမှာ ပျော်ရွှင်တဲ့ သူတွေဖြစ်ကြ တယ်လို့ ဆိုကြပါတယ်။ ဘာကြောင့်လဲ ဆိုတော့

ကြုံလာတဲ့ အရာတွေ အပေါ် အလေးအနက် စဉ်းစား တတ်တယ်

မိုးချစ်သူတွေဟာ မိုးရဲ့အသေးစိတ် အကြောင်းအရာလေးတွေ ကအစ ကြိုက်ကြတယ်။ တဖျောက်ဖျောက် ကျနေတဲ့ မိုးပေါက်လေးတွေရဲ့အသံ၊ သစ်လွင်လတ်ဆတ်တဲ့ မိုးနံ့လေနံ့၊ အသားအရေပေါ် ပြုတ်ကျ လာတဲ့ မိုးရေစက်တွေရဲ့ အထိအတွေ့၊

လှပ်ခနဲ ဖြစ်သွားတဲ့ လျှပ်စီးကြောင်းတွေရဲ့ အခက်အလက်တွေကအစ သဘောကျနေတတ်ကြတာ။ အဲလို လူတွေဟာ ဘယ်အရာကို လုပ်လုပ် အလေးအနက် စဉ်းစားကြတယ်။ တစ်ခါတလေ လေးနက်လွန်းလို့တောင် အချိန်ဖြုန်းသလို ဖြစ်နေ တတ်တယ်။

ကြုံလာတဲ့ အရာတွေကို လေးလေးနက်နက် စဉ်းစားပြီး တစိမ့်စိမ့် ခံစားနေ တတ် သူတွေဖြစ်ပါ တယ်။ အဲလို ခံစားနေရတာကို ပျော်နေတတ် ကြသူတွေလေ။

ကိုယ့်ကိုယ်ကိုယ်ယုံကြည်မှုရှိတယ်

စဉ်းစားကြည့်ပါ။ အသက်အရွယ် ရနေပြီဖြစ် တဲ့ လူတစ်ယောက်က လေးနှစ်သားကလေးလို မိုးရေထဲမှာ ဆော့ကစားနေ တယ် ဆိုတာ သူဟာ ပတ်ဝန်းကျင် ရဲ့အမြင်ကို ဂရုမစိုက်လို့ပါ။

မိုးရွာတာကို ချစ်တဲ့ သူတွေဟာ မိုးကိုချစ်ရတာ ကို ဂုဏ်ယူနေ တတ်ကြ တာ။ ဘာတွေပဲ ခံစားနေရပါစေ မိုးရေနဲ့ ထိတွေ့တဲ့အခါ ပျော်ရွှင်နေ တတ်ကြ တာ။

မိုးကြောင့် ဆံပင်တွေ စိုသွားမှာ၊ မိတ်ကပ်တွေ ပျက်သွား မှာကို ဂရုမစိုက် သူတွေပေါ့။ မိုးရေတွေ စိုသွားလည်း ကိုယ့်အလှကိုယ် ယုံကြည်မှု ရှိနေတုန်းပဲ မို့လေ။

ခက်ခဲတဲ့အချိန်တွေကို အလွယ်တကူ ကျော်ဖြတ်နိုင်တယ်

မိုးရွာပြီးသွားရင် ပန်းတွေပွင့်လာမယ်ဆိုတာကို မိုးချစ်သူတွေက နားလည်ကြတယ်လေ။ သင့်ရဲ့ဘဝမှာ ခက်ခဲကြမ်းတမ်းတဲ့ အချိန်တွေ ကြုံနေရတဲ့ အခါ မိုးချစ် သူတွေပြောလေ့ရှိတာက “ပြီးသွားမှာပါ” လို့ လေသံအေးအေးလေးနဲ့ နှစ်သိမ့် မယ့် သူတွေပေါ့။

တကယ်တော့ သူတို့တွေဟာ အခွင့် အရေးကောင်းတွေကို ဖမ်းဆုပ် နိုင်ဖို့ စိန်ခေါ်မှုတွေ လိုအပ်တယ်ဆိုတာကို သိကြ တယ်။ မိုးမရွာဘူး ဆိုရင် သက်တံ့ကို မတွေ့နိုင်ဘူး မဟုတ်လား။

ရှုထောင့်မျိုးစုံကနေ တွေးတတ်တယ်

မိုးရာသီကို တကယ်ကြိုက်နှစ်သက် တဲ့သူတွေဟာ ရာသီဥတုတွေကြောင့် ကြောက်လန့်နေမယ့်သူတွေ မဟုတ် ပါဘူး။ ဒါက ရေစက်ကလေးတွေလေ၊ ဇွန်ဘီးတွေမိုးပေါ်ကကျလာပြီး ကမ္ဘာပျက်ကိန်း စိုက်နေ တာမှ မဟုတ် တာ။

မိုးချစ် သူတွေဟာ သဘာဝရဲ့စစ်မှန်ခြင်းတွေကို ကောင်းတဲ့ရှုထောင့်ကနေ ရှုမြင်တတ်တဲ့သူတွေပေါ့။ တကယ်လို သင်ရဲ့အတွေးအမြင် ရှုထောင့် အကြောင်း

ဆွေးနွေးချင်ရင် မိုးချစ်သူတွေကိုသာ ရှာပြီးပြော လိုက်ပါ။ သင့်ပြောတဲ့ ရှုထောင့်ကို ပိုပြီး နစ်ဝင် စီးမြောသွားအောင် ဖြည့်စွက်ပေးမယ့် သူတွေပေါ့။

ဝမ်းနည်းခြင်းထဲက အလှတရားကို မြင်နိုင်တယ်

မိုးရွာလိုက်တဲ့အခါ ပတ်ဝန်းကျင်ဟာ သန့်ရှင်းသွားပြီး သဘာဝတရားဟာ အသစ်တစ်ဖန်မွေးဖွားလာတယ်။ သဲကြီးမဲကြီး ငိုပြီးတဲ့အခါ စိတ်တွေ ကြည်လင်သွားတဲ့ ခံစားမှုမျိုးပေါ့။ မိုးရွာတာကို တကယ် နှစ်သက်တဲ့ သူတွေဟာ ငိုရတာ ကိုတောင် ကြိုက်ကြ တာဗျာ။

မိုးရွာရင်ကို အလိုလို ငိုချင်လာရော။ သူတို့ကို သွားကြည့် လိုက်။ ဝမ်းနည်းနေရလို့ လဲကျသွားမယ်မထင်နဲ့။ မျက်ရည်တွေ ကြားက ပြုံးနေမယ့် သူတွေ။ တစ်နည်းပြောရရင် အဆိုးထဲက အကောင်းတွေကို ရှာဖွေတ တ်သူတွေပေါ့။

ပစ္စုပ္ပန်တည့်တည့်မှာ အသက်ရှင်တယ်

မိုးရွာတဲ့အခါ မိုးတွေထဲမှာ ခုန်ပေါက်ပျော်ပါးနေဖို့ကလွဲလို့ ဘာမှမတွေးဘူး။ အတိတ်ရဲ့နာကျင်မှုလည်း မရှိသလို၊ အနာဂတ်အတွက် ပူပမ်သောကလည်း မရှိဘူး။

ပစ္စုပ္ပန်တည့်တည့်မှာ ကျလာနေတဲ့ မိုးစက်တွေရဲ့ အထိအတွေ့ကိုသာ ခံစားနေတတ်တယ်။ မိုးရာသီကို ကြိုက်နှစ်သက်သူတွေဟာ အသက်ရှင်နေတဲ့အချိန်လေးမှာ ပျော်ရွှင်အောင်နေတတ်ကြတယ်

ပျော်ရွှင်တဲ့သူတိုင်းဟာ မိုးရာသီကိုချစ်တဲ့သူတွေလို့ မဆိုလိုပါဘူး။ သို့ပေမယ့် မိုးရာသီကိုချစ်တဲ့သူအများစုကတော့ ပျော်ရွှင်တတ်သူတွေ ဖြစ်ပါတယ်။