ချိုင်းချွေးနံ့ပျောက်စေဖို့ အသုံးဝင်မယ့် သဘာဝနည်းလမ်း(၅)ခု

ချွေးနံ့ပြင်းတတ်တဲ့၊ ချွေးထွက် များတတ်တဲ့ သူတွေရဲ့ ပြဿနာကို ရေမွှေးဘယ်လောက် ကောင်းကောင်း မကယ်တင် နိုင်ပါ ဘူး။ ကိုယ့်ရဲ့ချွေးနံ့ကို လျော့အောင် လုပ်ရင် လုပ်၊ ချွေးနံ့ပျောက်ဆေး သုံးရင်သုံး ဒီလိုမှ မဟုတ်ရင် ချွေးနံ့နဲ့ ရေမွှေးနံ့က သပ်သပ်စီ ဖြစ်နေတာ ပိုဆိုးပါတယ် ။

ဒါပေမယ့် လူကြားထဲ သွားရ လာရနဲ့ ကိုယ့်ဆီက အနံ့ဆိုး မထွက်စေ ချင်တော့ လည်း ချွေးနံ့ပျောက်ဆေးတွေ သုံးကြ ပါတယ်။ ဒီနေရာမှာ စိုးရိမ် စရာ ရှိလာ တာက ကိုယ်အမြဲသုံးနေရတဲ့ ချွေးနံ့ပျောက်ဆေးတွေရဲ့ ပါဝင်ပစ္စည်းနဲ့ အရည်အသွေး ပါပဲ။

အမြဲထိတွေ့သုံးစွဲ ရတာ ကြာလာတဲ့ အခါ ချိုင်းအရေပြား ကိုလည်း ဓာတုပစ္စည်းတွေနဲ့ ခဏတာ ကင်းလွတ်ခွင့် ပေးသင့် ပါတယ်။ ဒီအတောအတွင်းမှာ အောက်မှာ ဖော်ပြပေးထားတဲ့ သဘာဝနည်းလေးတွေက ကူညီပေးနိုင် ပါလိမ့် မယ်။

(၁) ပန်းသီးရှာလကာရည်

ပန်းကန်လုံး တစ်လုံးထဲမှာ ပန်းသီးရှာလကာ ရည်ကို ရေနည်းနည်း နဲ့ရောပါ။ ဂွမ်းလုံးလေးတစ်လုံးကို နှစ်ပြီး ချိုင်းမှာ သုတ်လိမ်းပါ။ ရေချိုးပြီးချိန်နဲ့ အိပ်ရာဝင်ခါနီးအချိန် တစ်နေ့နှစ်ကြိမ် သုံးနိုင်ပါတယ်။

ပန်းသီး ရှာလကာရည်ရဲ့ ဘက်တီးရီးယားသေစေ နိုင်တဲ့ အာနိသင်ကြောင့် ချိုင်းကြားတဝိုက် အရေပြားပေါ်က ချွေးနံ့ ထွက်စေတဲ့ ဘက်တီးရီးယားတွေကို နှိမ်နင်းပေးနိုင် ပါတယ်။

(၂) မုန့်ဖုတ်ဆိုဒါ

မုန့်ဖုတ်ဆိုဒါ တစ်ဇွန်း၊ သံပရာရည်တစ်ဇွန်း ရောပါ။ ချိုင်းမှာ သုတ်လိမ်းပြီး ၂ မိနစ် သို့မဟုတ် ၃ မိနစ်လောက် ထားပါ။ ရေချိုးချပါ။ တစ်နေ့တစ်ကြိမ် နှစ်ပတ်လောက် လုပ်လို့ ရပါတယ်။

မုန့်ဖုတ်ဆိုဒါက ချိုင်း ကိုခြောက်သွေ့စေပြီး ချွေးထွက် ထိန်းစေ ပါတယ်။ သူ့ရဲ့အာနိသင်ကြောင့် အနံ့ဆိုး ထွက်စေတဲ့ ဘက်တီးရီးယားတွေ ကိုနှိမ်နင်းနိုင် ပါတယ်။

(၃) သံပရိုသီး

သံပရိုသီးကို ထက်ခြမ်းခြမ်းပြီး ချိုင်းမှာ ပွတ်ပါ။ သံပရိုရည်တွေ ချိုင်းမှာခြောက်သွေ့တဲ့အထိထားပြီး ရေနဲ့ဆေး ချပါ။ ကိုယ်က ထိခိုက်လွယ် အသားအရေ ဆိုရင် သံပရိုတခြမ်းကရတဲ့အရည်ကို ရေနည်းနည်းရော၊ ဂွမ်းလုံးလေးနဲ့တို့ပြီးမှ လိမ်းပါ။

ချွေးနံ့ပျောက်တာ သိသာလာတဲ့အထိ တစ်နေ့တစ်ကြိမ် သုံးလို့ ရပါတယ်။ သံပရိုသီးက အက်စစ်ဓာတ် ပါဝင်မှုများပြီး ဘက်တီးရီးယားကို သေစေနို င်စွမ်း ရှိပါတယ်။

သံပရိုသီးက အသားအရေရဲ့ pH အဆင့်ကို လျှော့ချပေးပြီး အနံ့ဆိုးဖြစ်စေ တဲ့ ဘက်တီးရီးယားကို ရှင်းလင်းပေးနိုင် ပါတယ်။

(၄) ရှားစောင်းလက်ပပ်

ရှားစောင်းလက်ပပ် အလယ်သား(သို့မဟုတ်) ရှားစောင်း ဂျယ်လ်ဘူး ထဲက အနည်းငယ်ယူပြီး ချိုင်းမှာ လိမ်းပါ။ ညအိပ်ခါနီးလိမ်း ထားပြီး နောက်နေ့မနက်မှ ရေဆေးချပါ။ တစ်နေ့တစ်ကြိမ် လုပ်လို့ ရပါတယ်။

ရှားစောင်းမှာ ဓာတ်တိုး ဆန့်ကျင် ပစ္စည်းတွေ ကြွယ်ဝပြီး ဘက်တီးရီးယားသေစေတဲ့ အာနိသင်တွေ ရှိပါ တယ်။ ဒါ့ကြောင့်ပဲ ချွေးနံ့ပျောက်ဖို့ အတွက် အထောက်အကူပေးတဲ့ ဆေးတစ်လက် ဖြစ်လာ တာပါ။

(၅) အာလူး

အာလူးကို အလွှာလေးတွေ လွှာလိုက်ပါ။ ချိုင်းမှာ အာလူးလွှာလေးတွေ နဲ့ပွတ်ပါ။ ခြောက်သွေ့အောင်ထားပြီး ရေဆေးချပါ။ တစ်နေ့တစ်ကြိမ် သို့မဟုတ် နှစ်ကြိမ် လုပ်နိုင် ပါတယ်။အာလူးက ချွေးထွက်ခြင်းကို ထိန်းပေးပြီး ဘက်တီးရီးယားတွေကို သေစေနို င်ပါတယ်။

ဒါပေမယ့် ရေရှည်အတွက်ဆိုရင်တော့ –

ဒီနည်းတွေက အသုံးဝင်ပေမယ့် ကိုယ့်အသားအရေက ဓာတ် မတည့်ဖြစ်လွယ်၊ ထိခိုက်လွယ်တယ် ဆိုရင်တော့ အချိန်လေးခြားပြီး မကြာမကြာ ပဲလုပ်ပေးပါ။ အမြဲ မလုပ်ပါနဲ့။ ရေရှည်အတွက် လိုက်နာသင့်တဲ့ အမူအကျင့်တွေအနေနဲ့ –

အနည်းဆုံး တစ်နေ့တစ်ကြိမ် ရေပုံမှန်ချိုးပါ။ အရည်အသွေးကောင်းတဲ့ ဆပ်ပြာကိုသုံးပါ။ ရေချိုးပြီးရင် သန့်ရှင်းတဲ့ တဘက်ကိုပဲ သုံးပါ။ ချွေးနံ့ပျောက်ဆေးဆို အရည်အသွေးကောင်းတာပဲ သုံးပါ။

ပူတဲ့၊ လှောင်ပိတ်တဲ့ အဝတ်အထည်မျိုး မဝတ်ပါနဲ့။ ချိုင်းက အမွေးအမှင်တွေကို ပုံမှန်သန့်စင်ဖယ်ရှားပါ။ အနံ့ပြင်းတဲ့ အစားအသောက်တွေ ရှောင်ပါ။ အသီးအနှံ၊ အသီးအရွက်၊ ကြက်သားနဲ့ ငါး တွေစားပါ ။ ရေများများသောက် ပါ။

ရေးသားသူ Yun Sandi Nan Mon

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win